InicioPolíticaO PSOE lucense pecha filas ao redor da concelleira vetada polo BNG...

O PSOE lucense pecha filas ao redor da concelleira vetada polo BNG do Valadouro

Os socialistas dan un "respaldo unánime" a Fina Geada, de quen o Bloque pide a demisión para negociar un bipartito por considerala "responsable" da ruptura do anterior pacto de goberno

Publicada o

- Advertisement -

A executiva provincial do PSdeG-PSOE de Lugo emitiu, a través dun comunicado de prensa, o seu “respaldo unánime” á concelleira da formación no Valadouro Fina Geada, despois de que o BNG esixise a súa demisión para continuar coas negociacións dun goberno bipartito entre socialistas e nacionalistas no municipio.

O PSdeG-PSOE lucense cualifica de “chantaxe” a solicitude do BNG, unha petición que non acepta “máxime cando esta concelleira conta co respaldo que outorga co seu voto á veciñanza do Valadouro”. Ademais, sostén que “todo o goberno socialista” do municipio “apoia sen fisuras” a Geada. 

No tocante ás negociacións para formar un goberno de coalición, a formación socialista “segue aberta” ao diálogo, “sempre e cando” non se traspasen “liñas vermellas” que “atacan directamente á elección democrática da veciñanza”.

Por último, no que semella unha alusión á formación nacionalista, coa que goberna conxuntamente a Deputación de Lugo e en varios concellos -na Mariña Lucense, Barreiros é un exemplo- o PSdeG-PSOE argumenta que “segue cumprindo con todos os pactos xa asinados nos municipios da provincia”.

AS RETRIBUCIÓNS, ORIXE DO DESENCONTRO

Ambos partidos iniciaron o pasado luns as conversas para reeditar un goberno de coalición que apenas durou uns días trala investidura do socialista Edmundo Maseda como alcalde. O pacto rachouse polas desavinzas no tocante ás retribucións, unha ruptura da que o Bloque responsabiliza a Geada. A concelleira defendeuse publicamente e atacou ao voceiro dos nacionalistas no municipio, Eduardo Chao, a quen acusou de “buscar o seu interese”.

Malia que os nacionalistas chamaron a “negociar desde cero” un bipartito, unha petición que compraceu ao rexedor valadourense, a ferida segue aberta e as posturas permanecen polo de agora afastadas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...