O deputado mariñao do BNG Daniel Castro pediu a través dunha iniciativa presentada no Parlamento galego que se dote cunha consulta de cirurxía vascular ao Hospital da Mariña. “A súa falla provoca que @s doentes teñan que desprazarse cen quilómetros ou acudir á sanidade privada para a consulta e tratamento das enfermedades desa índole, sexan estas moi graves e complexas ou absolutamente sinxelas coma o caso das varices”, denuncia nun comunicado.
Desde o BNG mariñao inciden no proceso de desmantelamento dos servizos sanitarios na comarca, acentuados desde a eliminación da Área Sanitaria da Mariña, e acentuados tamén pola pandemia Covid19. “Un ano despois do inicio da pandemia séguese a dificultar tamén o acceso aos centros de saúde con demoras dunha semana para conseguir unha cita, mesmo telefónica, e aumentan tamén os atrasos para acceder ás prestacións hospitalarias: consultas, probas diagnósticas ou intervencións cirúrxicas”, critica.
APOIO MOBILIZACIÓN SOS SANIDADE
Por iso, a formación nacionalista amosa o seu apoio ás concentracións convocadas por diversas plataformas cidadáns para o mércores 21 de abril en todo o país e que na Mariña terá lugar en Burela ás 20:00, convocada pola plataforma mariñá na Praza do Concello baixo os lemas “Recuperar a Sanidade Pública da Mariña” / “Recuperación da Área Sanitaria roubada.