IniciosociedadeA Deputación achegará ata 2021 2,35 millóns aos sete GES da provincia

A Deputación achegará ata 2021 2,35 millóns aos sete GES da provincia

Renova por tres exercicios o convenio para financiar aos 84 profesionais deste servizo

Publicada o

- Advertisement -

O executivo provincial aprobou este mércores na Xunta de Goberno o convenio de colaboración para o desenvolvemento e financiación dos Grupos de Emerxencias Supramunicipais (GES).

A Deputación de Lugo achegará ata o 2021 2.352.000 euros cos que financiará os sete GES da provincia, ubicados en Becerreá (Ancares-Lugo-Sarria), Cervo (Mariña occidental e central), Baleira, Monterroso (A Ulloa, Lugo e Chantada), A Pontenova (Mariña central e oriental), Folgoso do Courel e Quiroga (terras de Lemos) e A Terra Chá, con sede por determinar.

Cada un deles conta con doce profesionais. A partida inclúe os custos de persoal dos 84 traballadores que conforman estes grupos, así como os gastos correntes para garantir o seu funcionamento.

O orzamento total deste servizo ascende aos 3.472.000 euros, dos que a Deputación achega o 40%, a Xunta de Galicia o 52,5% e os Concellos o 7,5% restante.

Os GES complementan a atención das emerxencias e extinción de incendios forestais, xunto cos parques de bombeiros municipais e os parques de bombeiros comarcais, de forma que cobren zonas desprovistas de servizos de emerxencia, cun ámbito de actuación superior ao municipal. Do mesmo xeito, ditos grupos participan en labores de prevención de incendios.

FINANCIAMENTO

A Deputación de Lugo foi a primeira en asumir os custos municipais dos Ges. No 2016, asinou convenios de colaboración cos concellos lucenses para asumir un 20% do financiamento que correspondía aos gobernos locais.

Segundo indica o goberno provincial, a Deputación achegou un total de 900.000 euros para cumprir este obxectivo nos anos 2016, 2017 e 2018.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...