IniciosociedadeEn Marea di que os xulgados de Viveiro tardarían "tres anos" en...

En Marea di que os xulgados de Viveiro tardarían “tres anos” en recuperar o traballo pendente

Villares alerta do colapso trala folga da Xustiza e critica que a Xunta "propoña 20 horas para o plan de reforzo cando serían necesarias 800"

Publicada o

- Advertisement -

En Marea denuncia que continúa “o colapso” que padecen os xulgados de Viveiro, denunciado a principios de novembro por dous dos traballadores.

O voceiro do partido instrumental, Luís Villares, explica que “os xulgados de Viveiro padecen un retraso superior aos 18 meses, consecuencia do elevado seguimento da última folga, pero tamén da situación de colapso estrutural que padecían previamente”.

Os traballadores do Xulgado de Primeira Instancia e Instrución número 2 de Viveiro, tamén integrantes da Mesa Local de Coordinación Institucional da Violencia de Xénero, denunciaron que o tribunal, ao igual ca os das demais vilas de Galicia, ficaba á marxe do Plan de Recuperación ideado para solventar os retrasos acumulados na Xustiza, e focalizado nas grandes cidades galegas.

Villares explica que, ante as protestas, o Goberno galego anunciou “medidas extraordinarias para esta vila que resultaron un parche, que para nada soluciona as necesidades reais”.

“as medidas anunciadas pola xunta para aliviar os retrasos foron un parche”, di o voceiro do partido instrumental

En Marea resalta que “ao longo dos catro meses de folga Viveiro perdeu aproximadamente mil horas de traballo. Logo das denuncias do persoal propuxéronse 20 horas no plan de reforzo, o que suporía tardar tres anos en recuperar o volume de traballo pendente”, precisa.

Neste senso, Villares lembra que para cumprir coa recuperación do 80% das horas de traballo perdidas que establece o plan sería necesario implementar, no caso de Viveiro, “un total de 800 horas, unha cifra moi afastada das 20 propostas”.

VIOLENCIA DE XÉNERO

Villares resalta que os retrasos en procesos relacionados coa violencia de xénero son “especialmente preocupantes. Existen medidas civís derivadas deses casos afectadas por este colapso. Obviar iso significa tamén obviar as denuncias, algo inaceptable, polo que é necesario dispór os medios materiais precisos”, expón.

Así, En Marea insta ao Executivo autonómico a “incluír a Viveiro e as demais vilas no Plan de Recuperación, de xeito que non haxa cidadáns de primeira e segunda categoría e A Mariña Lucense non sexa tamén discriminada no eido xudicial”, e a “apostar de verdade pola igualdade”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...