As obras de saneamento da parroquia ribadense de Piñeira comezaron cun prazo de execución de tres meses.

Os traballos consistirán na instalación dunha tubaxe de PVC que recollerá os vertidos dos barrios do Morgullón, Igrexa e Barreiro. Neste último núcleo, ubicarase un sistema de impulsión que bombeará os residuos á rede xeral.

INVESTIMENTO

A empresa Coto Estudios y Construcciones encargarase de realizar as obras cun orzamento de 102.000 euros. O investimento realizarase con cargo a unha achega do concello e ao Plan Único da Deputación.

O alcalde ribadense, Fernando Suárez Barcia, subliñou a “axuda” recibida do organismo provincial para “avanzar no saneamento das parroquias” e criticou a falta de investimentos nesta materia por parte da Xunta de Galicia malia, dixo, seren demandados por “acordos plenarios unánimes”.