O Concello prensetou o cartel e as datas do Ribadeo de Tapeo 2019, que se celebrará do 11 ao 19 de maio, na Feira Internacional do Turismo (Fitur).
A concelleira de desenvolvemento local, turismo e comercio, Ana Martínez, contou que “neste marco de promoción turística como é Fitur, quixemos traer desde o Concello de Ribadeo tamén a promoción dun dos proxectos máis importantes e un dos máis antigos da provincia e de toda Galicia, que arrancou xa hai uns anos, como é o Ribadeo de Tapeo”.
CASE 50 ESTABLECEMENTOS
Case 50 establecementos participan ano tras ano no Ribadeo de Tapeo. Martínez agradeceu aos locais El Piano e El Oviedo, premiados no 2018 e que foron os encargados de ofrecer o cóctel que se degustou na presentación do Ribadeo Indiano na sede da Xunta de Galicia en Madrid, a Casa de Galicia.
HOSTALERÍA DE BARREIROS
A Asociación de Hostaleiros de Barreiros fixo balance do seu paso por Fitur. O colectivo quedou satisfeito despois de entrevistarse con oito axentes do sector turístico.
Con motivo da visita, a agrupación elaborou tarxetas e un folleto para sinalizar e localizar o municipio no mapa.
No tocante ao Camiño norte, os hostaleiros comprobaron que cando se dan finais de etapa en Barreiros contrátanse hospedaxes en Ribadeo, o que supón trasladar aos peregrinos a unha localidade pola que xa pasaron. Así, ven aí unha oportunidade de negocio de saber promocionar a hostalería barreirense.
O colectivo mantivo tamén encontros cunha central de reservas de restaurantes para grupos concertados e cunha cadea de aloxamentos independentes que operaran baixo un mesmo paraugas de venta, con axencias maioristas e minoristas, “o que multiplicaría as opcións de reservas”.
