(VÍDEO) Foz acollerá o primeiro concursante con síndrome de Down nun campionato de baristas profesionais

O vigués Roberto Pereira adestrouse durante seis meses para afrontar probas de hostalería do máis alto nivel

Roberto Pereira. DOWN VIGO

EFE. O vigués Roberto Pereira será o primeiro concursante con síndrome de Down que competirá nun campionato profesional de baristas, concretamente na sétima edición do certame internacional de Foz, que se celebrará este venres.

Durante máis de seis meses, Pereira recibiu o adestramento do barista Marcos González, responsable do control de calidade en Delikia, e contou tamén co apoio de Down Vigo.

Pereira, con González. DOWN VIGO

Neste tempo, instruíuse nas condicións nas que terá que competir en Foz, desde a máquina de café profesional ata o discurso inaugural. Tamén, nas distintas fases das elaboracións ata que a execución do seu exercicio lograse cumprir cos esixentes tempos e requisitos do campionato, informa Down Vigo nun comunicado.

Durante su actuación, Pereira deberá preparar catro expresos, catro capuchinos e catro cócteles sen alcol, todo isto en menos de quince minutos.

Este ano participarán no campionato focego trece escolas de hostalería de Galicia, Asturias, Cantabria, País Vasco e Castela e León, ademais de 14 baristas profesionais do máis alto nivel.

SEGUINTE RETO

Pereira afrontará a súa segunda cita o 16 de maio na sede Afundación de Vigo, que acollerá o Campionato Nacional de Baristas, organizado polo Fórum Cultural do Café.

RESPOSTAR

Please enter your comment!
Please enter your name here