IniciosociedadeO TSXG desestima os cinco recursos interpostos contra o PXOM de Ribadeo

O TSXG desestima os cinco recursos interpostos contra o PXOM de Ribadeo

O alcalde ribadense cre que o documento, aprobado administrativamente en novembro de 2014, queda "consolidado"

Publicada o

- Advertisement -

O alcalde de Ribadeo, Fernando Suárez Barcia, confirmou que o Plan Xeral de Ordenación Municipal (PXOM) quedou “definitivamente aprobado e consolidado” despois de que o Tribunal Superior de Xustiza de Galicia (TSXG) desestimase os cinco recursos contencioso-administrativos interpostos por particulares e empresas contra o documento, aprobado en novembro de 2014.

Os demandantes recurriron á via xudicial ao discrepar das calificacións que o planeamento outorgou as súas parcelas e fincas, unhas categorías que determinan o uso dos terreos e as condicións de edificabilidade.

O tribunal fallou en todos os casos en contra dos denunciantes impoñéndolles o pago das costas procesais. Os ditames establecen un prazo de trinta días para recurrir a decisión. A última sentenza emitida data do pasado 15 de febreiro.

DEZASEIS ANOS DE TRAMITACIÓN

O rexedor felicitouse polas resolucións do TSXG que, explicou, “demostran que os terreos estaban correctamente clasificados e dannos a razón”

“Foi un treito longo e engorroso, pero cando se queren facer as cousas ben e con humildade finalmente  traen beneficios”, apuntou o alcalde nacionalista, remitíndose aos 16 anos que se prolongou a tramitación do PXOM.

Nese senso, o rexedor agradeceu a contribución “honesta e sensata” que realizaron ao proxecto os grupos con representación na corporación no anterior mandato –UPRI, PP, PSOE e BNG– e mailos técnicos municipais.

“CRECEMENTO SOSTIBLE”

“Isto contrasta con outros concellos, de aquí mesmo da Mariña, que non teñen normas urbanísticas, e que xa non se trata de problemas penais senón de destrozar o país para sempre”, apuntou Suárez Barcia, quen destacou que o planeamento combina o “crecemento sostible” e a “protección do patrimonio”.

O PXOM, que substituíu a unha normativa de 1977, planifica o desenvolvemento urbanístico de Ribadeo a 18 anos.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...