IniciosociedadeAFA Viveiro atende a 27 enfermos de Alzhéimer da Mariña e asesora...

AFA Viveiro atende a 27 enfermos de Alzhéimer da Mariña e asesora ás súas familias

A Deputación axuda ao colectivo cun plan de estimulación e mantemento cognitivo

Publicada o

- Advertisement -

Asociación de Familiares de Alzhéimer (AFA) de Viveiro atende as necesidades ás que se enfrontan diariamente os enfermos que padecen esta enfermidade neurodexenerativa e os seus familiares. Actualmente, hai un total de 27 persoas que se benefician dos servizos da asociación.

A deputada de promoción económica e social da Deputación de Lugo, Sonsoles López Izquierdo, mantivo un encontro cos usuarios da AFA, nas instalacións que este colectivo dispón na localidade.

A Deputación colabora con este colectivo a través do programa de estimulación e mantemento cognitivo destes doentes.

Esta e outras axudas permiten que as persoas afectadas sexan atendidas por distintos profesionais: traballadores e educadores sociais, terapeutas ocupacionais, fisioterapeutas, psicólogos, expertos en nutrición, no desenvolvemento psicomotor, auxiliares de enfermería, entre outros servicios, que posibilitan a aplicación de técnicas que melloran a vida das persoas afectadas.

En AFA Viveiro contan con persoal e medios especializados cos que desenvolver exercicios de memoria, como a aprendizaxe de regras mnemotécnicas; exercicios de atención visual e auditiva, como sudokus ou labirintos; actividades de cálculo mental; orientación espacial e temporal; e de linguaxe, con xogos de palabras e exercicios de narración.

810.000 DOENTES NO ESTADO

Aínda que non existe un censo oficial de afectados, a Confederación Española de Asociacións de Familiares de Alzheimer e outras Demencias (CEAFA) calcula que un 13,2% das persoas maiores de 65 anos padece esta doenza o que se traduce en preto de 810.000 pacientes en España.

En Galicia hai preto de 70.500 persoas con Alzhéimer ou algún outro tipo de demencia.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...