IniciosociedadeArrinca o xuízo a Silvaje polas tallas roubadas en igrexas de Ribadeo...

Arrinca o xuízo a Silvaje polas tallas roubadas en igrexas de Ribadeo e Trabada

A Fiscalía pide catro anos e seis meses de cárcere para o acusado, por suposta apropiación indebida de decenas de imaxes, pezas e mobles de varias parroquias

Publicada o

- Advertisement -

O ex cura dos municipios lucenses de Ribadeo e Trabada, José Emilio Silvaje Aparisi, senta a partir deste mércores no banco dos acusados para responder por un delito de apropiación indebida pola suposta subtracción de tallaspezas de culto das igrexas que administraba.

Os feitos remóntanse aos anos 2008 a 2012. Neste período, segundo o escrito de acusación da Fiscalía, que pide catro anos e seis meses de cárcere para o acusado, “con ánimo de ilícito enriquecemento”, o ex párroco apoderouse ” e incorporou ao seu propio patrimonio” decenas de obxectos relixiosos e de culto, imaxes relixiosas e mobles e pezas pertencentes ás súas parroquias.

Ademais, o Ministerio Público acúsao de entregar algunhas destas pezas ao outro procesado, José Jaime de Orozco Sánchez Aguilera, un coleccionista “coñecedor de que ditos efectos procedían das fegresías” que administraba o cura.

OBXECTOS NON RECUPERADOS

O Bispado de Mondoñedo-Ferrol recuperou algúns dos efectos subtraídos, mentres que outros, como unha imaxe de pedra da Virxe dos Milagres, varios misais antigos, un manto bordado en ouro da Virxe das Dores ou cálices de prata, non foron aínda localizados. Unha taxación parcial dalgúns dos efectos subtraídos valóraos en 25.000 euros.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...