IniciosociedadeA Ruta de Pinchos do Vicedo ofrece oito delicias nas dúas vindeiras...

A Ruta de Pinchos do Vicedo ofrece oito delicias nas dúas vindeiras fins de semana

Oito establecementos de hostalería participan na cita gastronómica impulsada polo Concello, que comeza este venres

Publicada o

- Advertisement -

Este venres comezará a décimo segunda edición da Ruta de Pinchos que impulsa o Concello do Vicedo. Oito establecementos de hostalería do municipio participarán na cita gastronómica, ofrecendo aos clientes cadansúa especialidade.

O evento culinario celebrarase en dúas fins de semana consecutivas, con rutas por diferentes locais. Os petiscos poderán degustarse os días 26 e 27 de abril, nunha primeira quenda, e 3 e 4 de maio, na segunda, en ambos casos nun horario de 20.00 a 23.00 horas.

26 E 27 DE ABRIL

Nesta primeira fin de semana da Ruta dos Pinchos, o Chiringuito de Abrela, ubicado na contorna da praia, en Suegos, ofrecerá ameixas e kokotxas.

En San Román, o restaurante Area Grande proporá o pincho “Mistura”. Na mesma localidade, Casa Fanego preparará ‘Pescada do pincho de Celeiro con puré vermello e salsa chimichurri‘.

3 E 4 DE MAIO

Os días 3 e 4 de maio haberá ata cinco alternativas. O Café Bar San Esteban elaborará ‘Codillo con cebola caramelizada‘, mentres que a Cafetería Galatea ofrecerá ‘Roliños de porco‘.

La Bodeguita del Puerto ofertará a súa tapa ‘Especial‘, mentres que o merendeiro ‘Los Árboles’ de Xilloi cociñará ‘Secreto de Los Árboles‘. Por último, o mesón O Remo proporá ‘Guao Bau‘. O prezo de cada petisco será de dous euros.

SORTEO DE DOUS XAMÓNS

Os participantes na Ruta de Pinchos do Vicedo participarán no sorteo de dous xamóns (un por cada ruta) que se rifará entre todos os votantes á mellor tapa.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...