IniciosociedadeA Festa da Troita da Pontenova agarda a "10.000 persoas" do 30...

A Festa da Troita da Pontenova agarda a “10.000 persoas” do 30 de abril ao 1 de maio

Un total de 130 pescadores, oito deles campións do mundo, participarán nunha cita que presenta como novidade unha ruta de sendeirismo gratuíta pola antiga vía do tren

Publicada o

- Advertisement -

A 41 edición da Festa da Troita da Pontenova, declarada Festa de Interese Turístico Galego e de Interese Turístico-Deportivo a nivel español, agarda a 10.000 persoas do vindeiro martes, 30 de abril, ao mércores 1 de maio.

O presidente da Deputación, Darío Campos, xunto ao tenente de alcalde da Pontenova, Francisco Martínez Bermúdez, e o Presidente do Centro de Iniciativas Turísticas (CIT), Francisco Javier Rois Freijo, entre outras autoridades, presentaron o evento.

Un total de 130 pescadores participará neste evento deportivo ao que acoden pescadores de Galicia, Asturias e outras comunidades. A Festa da Troita converteuse ademais nunha das máis importantes citas gastronómicas da provincia. Segundo expón a organización, “a ocupación hoteleira é do 100%”.

TROITAS DE OURO

O programa comezará o martes 30 de abril, ás 20.00 horas, coa entrega dos entregaranse os recoñecementos ”Troitas de Ouro” a personalidades e entidades relevantes do mundo da pesca.

Nesta edición recibirán as distincións o campión de pesca do mundo a mosca, David García Ferreras; a Fundación North Atlantic Salmon Nasf; o proxecto Arcas de Mesas do Narcea; Leonardo de la Fuente de Radio Marca e Manuel Gómez da tenda de pesca en Chantada Armería Mago.

PROGRAMA

Tamén o martes, ás 21.00 horas, a actriz e presentadora de televisión Isabel Blanco lerá o pregón. A continuación abriranse as casetas de degustación dos troitas.

O mércores 1 de maio, ás 9.00 horas darán comezo os concursos de pesca (lance, salmón e mosca) e a I Ruta de Sendeirismo Festa da Troita Vía Verde.

O roteiro é unha novidade dentro do programa. Trátase dun percorrido gratuíto de 12,5 quilómetros a carón do río Eo que discorrerá pola antiga vía do tren que vai desde Pontenova a Ribadeo e por seis túneles de pedra. A ruta, de catro horas de duración, é de baixa dificultade e apta para todos os públicos.

Nela os participantes poderán observar en directo aos pescadores participando no concurso e ver os lances de ata oito campións do mundo da pesca. As persoas interesadas en inscribirse poden facelo na oficina de turismo de A Pontenova e no email turismo@concellodapontenova.org.

Ás 18.00 horas entregaranse os trofeos aos gañadores dos concursos. O programa contará ademais con actuacións de bandas de música, verbenas e sesións vermú.

MÁIS DE CATRO DÉCADAS DE TRADICIÓN

Campos destacou que “esta celebración da Pontenova é a segunda festa da troita máis antiga de Galicia. Xa conta con máis de 40 anos de tradición e consolidouse coma un importante revulsivo económico para o Concello da Pontenova e para a contorna da Mariña o cal redunde positivamente na provincia”, concluíu.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...