O Servizo Galego de Saúde (Sergas) sacou a licitación pública a adquisición de novo mobiliario de hospitalización con destino á segunda fase das obras de reforma que se están a executar actualmente na zona antiga do Hospital Público da Mariña. En concreto, adquirirá 32 camas de hospitalización para pacientes ingresados, mesas e sillóns de hospitalización, por un importe que supera os 141.000 euros.
O novo mobiliario está destinado ás plantas que o Sergas está a reformar no edificio inicial do centro hospitalario. As 32 camas terán un importe de 96.800 euros; as 32 mesas de hospitalización, de 21.296 euros; aos 32 sillóns de paciente destinaranse máis de 23.200 euros.
SEGUNDA FASE DAS ACTUACIÓNS
Trala posta en marcha do novo pavillón do Hospital da Mariña, o goberno galego iniciou a segunda fase das obras, que conlevan actuacións de reforma no vello edificio, unhas actuacións que o Sergas prevé rematar “este mesmo ano”.