O ex xogador de fútbol internacional e campión do mundo coa selección española Xabi Alonso visitou Ribadeo días atrás nun período de vacacións.
Futbolista de Real Sociedad, Liverpool, Real Madrid e Bayern de Múnich, Alonso retirouse en 2017, despois de 18 anos como profesional, e desde 2018 dirixe o equipo infantil A das categorías inferiores do equipo branco.
Durante as súas vacacións, o deportista vasco acudiu xunto coa súa familia ao restaurante Mariñeiro, situado no porto ribadense. Alí fixo gala “da súa humildade e discreción”, sinalou o propietario do local de hostalería, Roberto Rivas.