(VÍDEO) Trabada convida a conectar “co que de verdade importa”

O Concello publicou unha peza audiovisual de promoción turística na que se compara a velocidade da vida nas urbes coa tranquilidade do municipio trabadense

Fotograma do vídeo. AXM

Turismo de Trabada vén de presentar, a través das súas redes sociais, unha nova campaña promocional “onírica e sensorial”, baixo o lema ‘Te mereces algo bueno‘, que convida a conectar “co que de verdade importa”. 

O goberno local trabadense en funcións asegura que se trata “dunha proposta rompedora” que se lanza cun vídeo no que se evoca “todo o que ofrece a súa contorna: paz, conexión, aventuras, re-conexión e lugares nos que volver, a sentir e vivir de forma natural, en conexión coa natureza”.

A peza audiovisual está gravada cunha cámara de cinema dixital en 5K RAW, e tenta subliñar que “vivimos un ritmo de vida tan frenético que en ocasións non poñemos o foco no máis relevante”. Así, convida a desfrutar da vida fóra dos contextos urbáns, e a comparar a súa velocidade coa tranquilidade de Trabada.

RECURSOS

A área recreativa da Cadeira; o Pico da Paleira; o rego de Vilapena, Vilaformán; Vilarbetote; Trabadela; a ría de Abres; a Choza; as fragas da Belosiña e da Becerreira; a ruta do Vento; o Camiño de Santiago no Chao do Sevil; o Porto do Malle en tomas áereas; ou A Trapa son algúns dos lugares que se destacan na peza audiovisual.

GRAVACIÓN EN MADRID

Fóra de Trabada, gravouse en Madrid: nos barrios de Atocha e Lavapiés, nas catro torres, en Gran Vía e nas oficinas do Grupo Reacciona.

RESPOSTAR

Please enter your comment!
Please enter your name here