A Mariña Lucense sumará tres novas titulacións de FP Dual -que sitúa un 60% da formación en empresas e centros de traballo-. O CIFP Porta da Auga de Ribadeo ofertará no vindeiro curso os graos medios de atención á dependencia, carrozaría e construción.
Así o anunciou a Consellería de Educación, Universidade e Formación Profesional, que publicou este venres no Diario Oficial de Galicia (DOG) a oferta de ciclos formativos para o curso 2019/20.
O estudantado do ciclo medio de atención á dependencia, con 25 prazas, poderá realizar a súa formación práctica en Asociación Edad Dorada Mensajeros de la Paz Castilla la Mancha y Galicia.
Pola súa banda, os estudantes de carrozaría terán as seguintes opcións: Automecánica Talleres Barja, S. L., Industrial Recense, S.L. Talleres Cardi. S.L., Autos Malucar, S. L., Carrocerías Hermanos Rega, S. L., Talleres Julio García, S. L. e Talleres Díaz y Varela, S.L.
Finalmente, aquelas persoas que elixan o grao medio de construción gozarán destas alternativas: Fernández y Sol Construcciones, S. L., Gestión Integral de Servicios Viconau, S. L., Vicente Fernández Martínez, José Manuel Fernández Díaz, Gestión Gratelu, S. L., Trío Procesos Constructivos, S. L., Construcar, S. L., Construcciones Río Ouro, S. L. e Construcciones Os Molineros, S.L.
XOVE PERDE INFORMÁTICA
No que atinxe ao réxime ordinario presencial, o CIFP Porta da Auga (Ribadeo) o ciclo básico de Servizos administrativos, con 18 prazas; mentres que o IES Illa de Sarón (Xove) perde o de Informática e comunicacións.
No caso dos ciclos de grao medio, o CFEA Pedro Murias (Ribadeo) incorpora á súa oferta o ciclo en Produción agroecolóxica, con 25 postos.
Neste senso, a Xunta de Galicia argumenta que a oferta “fluctúa para adaptarse ás necesidades do tecido produtivo e as características da poboación de cada zona”. Así, atribúe á “falta de alumnado” que se deixen de impartir determinados ciclos. Podes consultar aquí a oferta completa. oferta_ordinario_prov_concello_2019_2020
