IniciosociedadeViveiro celebrará o Orgullo LGTB coa colocación dunha placa na Praza da...

Viveiro celebrará o Orgullo LGTB coa colocación dunha placa na Praza da Habana Vella

O Concello instalará no parque o logo de Chrysallis, a Asociación de Familias de Menores Transexuais

Publicada o

- Advertisement -

O Concello de Viveiro conmemorará o vindeiro venres, 28 de xuño, o Día Internacional do Orgullo LGTB coa celebración dun acto que terá lugar ás 17.00 horas na Praza da Habana Vella.

Despois de que o Concello de Viveiro se sumase á iniciativa desenvolta noutros municipios pintando dous bancos dese parque coa bandeira do colectivo Lesbianas, Gais, Transexuais e Bisexuais (LGTB) e outros dous coa bandeira Trans, o próximo venres colocarase unha placa conmemorativa nun dos bancos pintados coa bandeira transxénero, facendo constar o logo de Chrysallis, a Asociación de Familias de Menores Transexuais, que terá representantes no acto.

Con esta iniciativa, explica o goberno municipal viveirense, quérese dar visibilidade a estes colectivos, concienciando en favor da igualdade e diversidade sexual, conscientes da necesidade de impulsar accións que sirvan para concienciar á sociedade sobre a discriminación pola condición sexual e fomentar a igualdade real destes colectivos.

“Os nenos son o futuro e cremos que o recoñecemento da diversidade sexual é unha cuestión educacional, de aí que poñamos esta placa nun parque infantil”, explica a alcaldesa, a socialista María Loureiro.

FESTIVAL DA DIVERSIDADE SEXUAL

A concellería de cultura traballa na celebración, o vindeiro mes de setembro, dun festival da diversidade sexual, unha cita que pretende ter un carácter familiar e educativo

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...