IniciosociedadeXove convida a saborear percebe a prezos populares o 20 de xullo

Xove convida a saborear percebe a prezos populares o 20 de xullo

As racións venderanse a 15 euros na carpa que se instalará na Praza do Concello para enxalzar o produto

Publicada o

- Advertisement -

Xove celebra o vindeiro 20 de xullo a oitava edición da Festa do Percebe, que terá a Praza do Concello como punto de encontro. A organización instalará unha carpa na que o crustáceo comezará a servirse a partir das 12.00 horas.

A ración máis o prato conmemorativo do evento custarán 15 euros. O marisco poderá acompañarse dunha botella de viño albariño por seis euros. Tamén se ofrecerá a posibilidade de degustar racións de xamón cocido a dez euros.

MÁIS DE 400 QUILOS

“O éxito acadado nas edicións anteriores animounos a repetir a experiencia”, sinalan desde a Asociación de Festexos A Medorra, que organiza a cita en colaboración co Concello e o GALP A Mariña Ortegal. Na pasada edición repartíronse máis de 400 quilos do marisco.

A degustación gastronómica animarase con música nas rúas a cargo da charanga Os Charangos, que percorrerán as rúas da vila, e cunha discomovil que amenizarán a xornada.

OBRADOIROS E UNHA EXPOSICIÓN

A riqueza biolóxica e gastronómica do litoral xovense centrará os obradoiros que se organizarán durante a tarde para entreter aos máis pequenos.

Desde o pasado luns e ata o 28 de xullo pode visitarse na Sala de Exposicións do Concello a mostra “O percebe e o seu ecosistema”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...