IniciosociedadeA A-8, pechada de novo en Mondoñedo desde a tarde do domingo

A A-8, pechada de novo en Mondoñedo desde a tarde do domingo

O corte entre os quilómetros 536 e 552 da autovía, motivado pola néboa, mantense desde as 19.43 horas de onte

Publicada o

- Advertisement -

EFE. Os densos bancos de néboa que dificultan a visibilidade e condicionan a seguridade dos usuarios volveron obrigar á Dirección Xeral de Tráfico (DXT) a manter pechada a Autovía do Cantábrico (A-8) en Mondoñedo desde hai máis de doce horas.

Segundo informa a propia DXT, a autovía quedou cortada en ambos sentidos da circulación no Alto do Fiouco, entre os municipios lucenses de Abadín e Mondoñedo, desde o domingo ás 19.43 horas.

O treito que fica cortado é o situado entre os quilómetros 536 e 552, de xeito que a Garda Civil habilitou os desvíos alternativos a través da estrada Nacional 634 ao seu paso por Mondoñedo. Ás 10.41, hora de peche desta información, o paso seguía pechado.

O ESTADO DA N-634, FONTE DE POLÉMICA

Nos últimos días, a alcaldesa de Mondoñedo, Elena Candia, solicitou unha entrevista coa subdelegada do Goberno central en Lugo, Isabel Rodríguez, para pedir que ese tramo na N-634 sexa mellorado, ao considerar que non se atopa nas condicións axeitadas para soportar o tráfico provocado polos desvíos desde a A-8 cando a néboa obriga a pechar a autovía. O BNG mindoniense resaltou o desleixo dos Executivos centrais ao longo dos últimos cinco anos coa vía.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...