IniciosociedadeO colexio Sagrado Corazón amplía o programa Madrugador

O colexio Sagrado Corazón amplía o programa Madrugador

O centro ribadense tamén fará descontos no comedor e potenciará as actividades en soporte dixital

Publicada o

- Advertisement -

O colexio Sagrado Corazón de Ribadeo ampliará no vindeiro curso o programa Madrugador, que axudará ás familias a conciliar a súa vida persoal e laboral. Ademais, potenciará as actividades en soportes dixitais e fará descontos no servizo do comedor.

As familias poderán facer uso do programa desde as 7.45 horas, 45 minutos antes ca no anterior exercicio, e incluirase o almorzo para os estudantes. “Somos conscientes de que hai moitas familias que empezan a traballar ás oito da mañá e necesitan deixar aos nenos no colexio antes. Parécenos que levantalos para traelos xa almorzados é moi complicado, entón imos incluír o almorzo para os rapaces”, expón a xefa de estudos do centro, Begoña Sanjurjo.

Sanjurjo engade que “este curso haberá descontos no prezo do comedor, que son 98 euros por mes, agás os meses de decembro, setembro e xuño que son 77 euros. A partir de setembro, para as familias que teñan dous fillos ou máis, o segundo fillo serán 75 euros e o terceiro fillo terá outra bonificación”.

A xefa de estudos adiantou tamén que “no curso 2018-2019 imos implantar máis actividades que teñen que ver co mundo dixital porque temos claro que os nenos actuais son nativos dixitais. Esta faceta motívaos máis e failles aproveitar mellor o tempo”, asegura. Así, todo o colexio terá “tres libros obrigatorios que ler en dixital”, expón Sanjurjo, e “porase á disposición do alumnado unha gran biblioteca. Algúns cursos van traballar as matemáticas en dixital. Ademais, incorporaremos unha parte de robótica en 3º da Eso, que xa se impartía en Infantil e 2º de Primaria”, conclúe.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...