O Roq Park de Viveiro, o primeiro parque de aventuras da Mariña Lucense e da provincia de Lugo, celebrou este venres a súa inauguración oficial.
A directora de Turismo de Galicia, Nava Castro, o delegado territorial da Xunta de Galicia en Lugo, José Manuel Balseiro, e maila alcaldesa de Viveiro, María Loureiro, participaron no acto.
O parque, que conta con pasarelas e tirolesas de ata 115 metros de altura, trátase dunha iniciativa que contribuirá “a reforzar a oferta turística da Mariña Lucense”, asegurou Castro, quen destacou que se trata “dunha iniciativa emprendedora que impulsa o rural galego da man do turismo de aventuras e de natureza dun xeito sustentable”.
TURISMO “FAMILIAR E DE AVENTURAS”
Este novo espazo de lecer está situado nun espazo próximo á área recreativa do monte San Roque e naceu froito da colaboración dunha empresa local de actividades deportivas e de multiaventura, Roq Sport, e da comunidade de montes de San Roque.
Como explicou Castro, o novo parque promoverá un “turismo familiar e de aventuras, un segmento moi interesante”.