IniciosociedadeRematadas as obras de acondicionamento e protección do embarcadoiro da Choza, en...

Rematadas as obras de acondicionamento e protección do embarcadoiro da Choza, en Trabada

O Goberno central construíu unha escollera para dotar de estabilidade o noiro, mellorou a rampa de acceso para as embarcacións e tamén dragou os lodos

Publicada o

- Advertisement -

EFE. A subdelegada do Goberno central en Lugo, Isabel Rodríguez, visitou este luns o embarcadoiro da área recreativa da Choza, no municipio lucense de Trabada, tras finalizar as obras de acondicionamiento e protección.

A subdelegada estivo acompañada durante a visita pola alcaldesa, a tamén socialista Mayra García, e o xefe provincial da Demarcación de Costas do Estado na provincia de Lugo, José Miguel Estevan.

“Trátase dunha actuación demandada por este Concello e que nos comprometemos executar pola degradación que presentaban algunhas infraestructuras, que podían supoñer mesmo un perigo para a cidadanía”, subliñou Rodríguez.

“Para solucionar estes problemas, a Demarcación de Costas executou varias actuacións: construír unha escollera de protección para dotar de estabilidade o noiro, acondicionar a rampa de acceso para as embarcacións e tamén dragar os lodos para facilitar a navegación e outros usos desta zona”, indicou. En concreto, a obra foi levada a cabo pola Dirección Xeral de Sostenibilidad da Costa e do Mar.

“Estamos seguros de que estas melloras redundarán nun mellor uso e sobre todo, máis seguro, deste área tan atractiva do Concello de Trabada”, apuntou a subdelegada. Pola súa banda, García, agradeceu o respaldo do Goberno e a “rápida intervención” nesta zona.

INVESTIMENTO DE 45.000 EUROS

As obras de mellora do área recreativa da Choza concluíron tras tres meses de actuacións nas que se investiron un total de 45.000 euros.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...