IniciosociedadeA Semana Santa de Viveiro, parte dunha rede que quere a distinción...

A Semana Santa de Viveiro, parte dunha rede que quere a distinción de Itinerario Cultural Europeo

Oito municipios integran unha asociación que quere acadar o recoñecemento, reservado polo Consello de Europa a aquelas rutas que "aglutinan unha serie de valores"

Publicada o

- Advertisement -

Representantes do Concello de Viveiro e da Xunta de Confrarías viveirense participaron este mércores en Orihuela (Alacante) no terceiro foro da Rede Europea de Celebracións de Semana Santa e Pascua, organización que integran oito municipios e que ten como principal obxectivo a creación dun proxecto que sexa recoñecido como Itinerario Cultural Europeo.

O tenente de alcalde de Viveiro, Suso Fernández, e o presidente da Xunta de Confrarías da Semana Santa viveirense, José Veiga, participaron nun novo encontro da agrupación, fundada no pasado mes de marzo, e que tamén integran Orihuela, Lorca, a fundación italiana Federico Secondo de Sicilia, en representación de Palermo, Caltanissetta e Trapani; os municipios de Birgu e Hal-Qormi, por parte de Malta; e tamén as celebracións relixiosas de Braga (Portugal) e de Skofja Loka, en Eslovenia.

O Itinerario Cultural Europeo, distintivo lanzado no 1987, é un recoñecemento outorgado polo Consello de Europa a aquelas rutas, percorridos e traxectos que aglutinen unha serie de valores.

A elección dunha imaxe que represente á rede europea, que será o logotipo de Braga; a análise dun informe dun foro internacional para comprobar os requisitos necesarios para presentar a candidatura a Itinerario Cultural do Consello Europeo; tamén se aprobou a constitución dun comité científico que impulsará, entre outras cuestións, a asistencia a Fitur, e o orzamento da agrupación, de 20.500 euros.

PROMOCIÓN TURÍSTICA

Fernández considera que se deu “un paso máis” para acadar o recoñecemento, que suporía “por un lado unha oportunidade de unir pobos, comarcas e países”, e por outro “refrendar” o carácter “cultural, relixioso e tamén turístico” dunha celebración viveirense que na pasada edición atraeu a unhas 40.000 persoas.

SUBSTITUCIÓN DO PARQUÉ DO PAVILLÓN

O Concello de Viveiro informou este mércores da adxudicación das obras de substitución do pavimento deportivo no pavillón municipal de Viveiro, cun orzamento de 100.500 euros. Desde o goberno local explican que “estaba previsto realizar a proposta en agosto” para que as actuacións estivesen listas para o inicio da tempada deportiva, “un proceso que se ralentizou pola necesidade de informes previos atendendo ás baixas económicas presentadas polas empresas licitadoras”.

A obra realizarase con cargo ao Plan Único da Deputación de Lugo, que achegará 82.000 euros por 18.500 aboados polo Concello.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...