IniciosociedadePreocupación polo "aumento da inseguridade" en Burela, onde O Vencello pide "máis...

Preocupación polo “aumento da inseguridade” en Burela, onde O Vencello pide “máis vixilancia”

O Concello anuncia que solicitará unha xunta local de seguridade ante o incremento "dos actos violentos", que "nunca tiveron tanta intensidade"

Publicada o

- Advertisement -

A asociación de veciños O Vencello de Burela remitiu escritos ao Concello e ao cuartel da Garda Civil para denunciar “o incremento da inseguridade cidadá” no municipio “ao longo dos últimos meses”. 

O colectivo veciñal asegura facerse eco de “numerosas inquedanzas” por parte dos burelaos polos “diversos actos violentos contra persoas en varios lugares do municipio”, que agarda “sexan algo illado e puntual”.

O Vencello valora “o moi bo traballo diario” da Policía Local e da Garda Civil “mesmo sendo conscientes de que os recursos son limitados“. Aínda así, pide aos Corpos de Seguridade do Estado que fagan “aínda máis fincapé na vixilancia no noso pobo, a fin de acabar con todas estas accións que poñen en perigo o benestar e o día a día dos veciños, principalmente aqueles de idade avanzada, máis indefensas e vulnerables ante os actos de violencia e forza”.

Dese xeito, demanda ao equipo de goberno en funcións e á Garda Civil “pór todas as medidas á súa disposición así como facer os trámites necesarios para conseguir que se aumente a vixilancia no noso Concello e devolver ós nosos veciños a maior tranquilidade posible antes de que os acontecementos cheguen a un punto de non retorno que xa sexa moito máis difícil de controlar e solucionar”.

LLANO: “HAI QUE ATOPAR MOTIVOS E SOLUCIÓNS”

O alcalde de Burela en funcións, o socialista Alfredo Llano, anunciou que vai solicitar a celebración dunha xunta local de seguridade.

“A ninguén lle pasa desapercibido que ultimamente, tanto en Burela como noutros sitios da comarca da Mariña Lucense, de Lugo e de Galicia, hai cada vez máis actos violentos, de intimidación, de roubos ou de pelexas. No noso concello nunca houbo esta intensidade“, admite.

O rexedor en funcións asegurou que mantivo reunións tanto coa Garda Civil como coa Policía Local para “tentar normalizar a situación”. Llano considera que a xunta de seguridade servirá “para unificar criterios” e buscar “motivos e solucións“.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...