A Festa Labrega de Landrove cumpriu esta fin de semana a súa quinta edición cun éxito de público. A asociación Pequenos Pasos desta parroquia do concello de Viveiro organiza cada ano esta cita, que pretende con humor reivindicar o orgullo de ser de aldea.
As habituais Olimpíadas Rurais, con probas tradicionais e populares como a carreira de carretillas, divertiron a participantes e asistentes. Os atletas participaron na noite do venres no acendido da chama olímpica.
CEA MULTITUDINARIA
Xa o sábado, despois das probas destes singulares Xogos Olímpicos, todos repuxeron forzas cunha saborsa cea labrega que congregou a numerosos comensais. Areal e Verónica Cambón puxeron ritmo á noite.