A Mariña Lucense estará en alerta laranxa na xornada do sábado debido a un temporal costeiro. Segundo informa a Axencia Estatal de Meteoroloxía (AEMET), o episodio adverso empezará sobre as 18.00 horas no noroeste coruñés e na costa de Lugo e na madrugada de sábado a domingo estenderase até o oeste da Coruña.

Os ventos serán de compoñente sur de forza 8 ou 9 e espérase mar combinado do noroeste con ondas de entre cinco ou sete metros, segundo a zona.

RECOMENDACIÓNS

A Dirección Xeral de Emerxencias recomenda non achegarse ás zonas costeiras, sobre todo diques, para evitar eventuais golpes de mar que poidan arrastrar ás persoas, ademais de extremar a precaución pola posible caída de obxectos desde balcóns ou xanelas, entre outros.