IniciosociedadeA Festa da Merluza aspira a ser de Interés Turístico Nacional

A Festa da Merluza aspira a ser de Interés Turístico Nacional

A exaltación gastronómica, o sábado na lonxa vella de Celeiro, ofrecerá o peixe en sete variedades

Publicada o

- Advertisement -

A Festa da Merluza do Pincho de Celeiro cumprirá o sábado a súa vixésimo primeira edición. A exaltación gastronómica goza dunha saúde de ferro ea asociación Penalba, organizadora do evento, aspira a que a cita poda ser considerada e Interés Turístico Nacional, despois de acadar a distinción a nivel autonómico no 2013.

O protocolo contempla que para que unha celebración poda ser declarada de Interés Turístico Nacional débense cumprir un mínimo de cinco anos do seu recoñecemento autonómico.

Satisfeito ese requisito, a Festa da Merluza semella ter todos os ingredientes demandados –antigüidade, arraigo, orixinalidade-, pero a organización terá que intensificar a súa promoción alén de Galicia. “Pídese que haxa presentacións ou actividades promocionais a nivel estatal“, indica a presidenta de Penalba, Rosario San Isidro.

700 QUILOS E ENTRE 1.200 E 1.500 RACIÓNS

A exaltación gastronómica repartirá 700 quilos de pescada -entre 1.200 e 1.500 racións- desde ás 21.00 horas, na lonxa vella de Celeiro. Os asistentes poderán degustar o manxar en ata sete preparacións distintas: á galega, en salsa verde, en salpicón, en caldeirada, en empanada, en galipizza especial Penalba. Esta última posibilidade é a máis demandada pola receita única da agrupación.

“RECURSO TURÍSTICO”

Asistiron á presentación do evento San Isidro e Bernardo Fraga, en representación da organización, o patrón maior de Celeiro, Domingo Rey, o edil de mar, Jesús Fernández, e a alcaldesa, María Loureiro. A rexedora sinalou que a celebración, “que conta con gran tradición e participación, é xa un dos nosos recursos turísticos máis destacados“.

A Confraría de Pescadores, Puerto de Celeiro, Abanca, o Concello de Viveiro e a Deputación de Lugo colaboran con Penalba na organización da festa gastronómica. 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...