IniciosociedadeA Xunta critica "o uso político" das goteiras no Virxe do Carme,...

A Xunta critica “o uso político” das goteiras no Virxe do Carme, que atribúe ao temporal

Educación considera a filtración de auga, nos vestiarios da cociña e do comedor, como "un pequeno incidente, puntual e localizado", e sinala que se está a traballar na reparación

Publicada o

- Advertisement -

A Xunta de Galicia explicou este venres a través dun comunicado que a empresa construtora encargada da obra de remodelación do colexio Virxe do Carme de Burela “traballa desde o pasado xoves na corrección da filtración de auga que, con carácter puntual e localizado, afectou ao vestiario da cociña e comedor deste centro educativo”.

Arquitectos da Unidade Técnica da Consellería de Educación comprobaron a avaría, “considerada de pequena incidencia, así como o desenvolvemento dos traballos que se están a acometer para reparala e garantir que quede perfectamente selada”.

Todo apunta, segundo a Xunta, “a que a filtración puido deberse á rotura de varias lousas na cuberta do edificio número 1, nos puntos nos que se apoiaba o andamio empregado para a obra, feito combinado co vento e as fortes precipitacións dos últimos días”.

“NORMALIDADE” NA ACTIVIDADE ESCOLAR E NO COMEDOR

A Administración autonómica destaca que tanto as clases como o resto da actividade do centro, incluído o uso do comedor, desenvolvéronse “sen incidencias e con total normalidade”.

Desde a Xunta de Galicia lamentan o “aproveitamento político que algúns partidos quixeron dar a esta avaría” e resaltaron que, tanto a dirección do centro como a propia empresa encargada das obras, “actuaron desde o primeiro momento para corrixir a situación”.

O Goberno autonómico resalta que tanto o pasado xoves coma este venres “operarios traballaban na propia cuberta do edificio a pesar do temporal de vento. No interior hai disposto un deshumidificador para, unha vez eliminada a filtración, actuar no falso teito e pintar os parámetros, se fóra preciso”, expón.

“Non é unha circunstancia extraordinaria que cando ten lugar un importante temporal de vento e chuvia poidan producirse filtracións ou desperfectos nas instalacións dos centros educativos que, as direccións do centro e coordinación coa Unidade Técnica de Educación, corrixen con celeridade”, argumenta a Xunta.

FALTAN “PEQUENOS REMATES” DA REFORMA

Malia que a obra de reforma, cun investimento de máis de 860.000 euros, “está finalizada”, indica o Goberno autonómico, “persoal da empresa construtora continúa no centro precisamente realizando pequenos remates e supervisando as actuacións realizadas para garantir que estean en perfecto estado antes da recepción dos traballos”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...