IniciosociedadeA Xunta di que os Xulgados de Viveiro teñen unha carga de...

A Xunta di que os Xulgados de Viveiro teñen unha carga de traballo “lixeiramente superior” á pactada

O Goberno galego argumenta, con datos de 2018, que os asuntos penais recibidos foron inferiores ao módulo de entrada, pero admite que no ámbito civil "se excedeu" o número de causas

Publicada o

- Advertisement -

A Xunta de Galicia emitiu este xoves un comunicado trala denuncia de dous traballadores que denunciaron que, segundo unha inspección do Tribunal Superior de Xustiza de Galicia (TSXG), realizada no pasado mes de novembro, o Xulgado número 1 de Viveiro ten unha carga de traballo do 215%, máis do dobre que é capaz de asumir. Os funcionarios resaltan que a situación no organismo xudicial número 2 viveirense é “similar“.

Ante a petición dos traballadores de incrementar o persoal, o Goberno autonómico indica que os Xulgados de Viveiro “contan cun cadro de persoal completo e recentemente tramitouse a creación dunha nova praza para o Xulgado número 2, pendente da súa ocupación efectiva por comisión de servizos“. Neste sentido, o Executivo galego non concreta unha data de cando se ocupará a praza, anunciada no mes de xaneiro de 2018.

Polo que respecta á carga de carga de traballo, “segundo datos estatísticos oficiais, é lixeiramente superior aos módulos de entrada aprobados polo Ministerio de Xustiza e o Consello Xeral do Poder Xudicial“, argumenta a Xunta.

“Os datos estatísticos no 2018 na xurisdición penal rexistraron unha entrada de asuntos inferior ao módulo de entrada, mentres que excedeu na materia civil“. En todo caso, non se ofrecen números concretos.

PLAN DE RECUPERACIÓN TRALA FOLGA

No tocante á folga da Xustiza, a Xunta expón que “os funcionarios dos xulgados de Viveiro participaron no plan de recuperación tralo paro e facendo máis de 100 horas extra”, aínda que os propios traballadores calculaban que se precisaba recuperar entre 800 e 1.000 horas.

REFORZO DO PERSOAL

“Calquera petición dunha medida de reforzo debe ser analizada e aprobada pola Comisión Mixta entre TSXG e a Xunta, e tamén ir ligada a un plan de seguimento do resultado da medida”, conclúe o Goberno autonómico.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...