IniciosociedadeA Xunta iniciará "no 2020" a construción do segundo martelo do porto...

A Xunta iniciará “no 2020” a construción do segundo martelo do porto de Burela

As obras contan cun orzamento de máis dun millón de euros e contemplan a ampliación do peirao sur en oito metros e a construción dun espigón de 50 metros de lonxitude

Publicada o

- Advertisement -

A presidenta de Portos de Galicia, Susana Lenguas, anunciou na mañá deste mércores que o ente público dependente da Consellería do Mar iniciará “o vindeiro ano 2020” as obras de construción do segundo martelo do porto de Burela, demandada polo sector para garantir un maior abrigo para a frota e operatividade para as embarcacións que fan uso destas instalacións.

Lenguas visitou o peirao burelao acompañada polo patrón maior de Burela, Basilio Otero, e representantes de Armadores de Burela (Absa) e da Organización de Produtores Pesqueiros (OPP) de Lugo, ademais de polo delegado territorial da Xunta de Galicia en Lugo, José Manuel Balseiro.

O SEU COMEZO, COMPROMETIDO “PARA O PASADO VERÁN”

As obras contan cun orzamento de máis dun millón de euros e contemplan a ampliación do porto sur (xunto á lonxa de Absa) en oito metros e a construción dun espigón de 50 metros de lonxitude. Segundo expuxo Lenguas, “a súa misión fundamental é a de reducir a axitación do interior das dársenas, ademais de conseguir maior capacidade de atraque e servir de amortiguación á ondada que exerce o dique de abrigo”.

A nova data de inicio dos traballos que ofrece Portos de Galicia amosa un retraso de varios meses no plan anunciado cando se licitaron as actuacións, no pasado mes de marzo, dado que a Xunta prevía entón iniciar as actuacións o pasado verán.

NAVE DE REDES

Lenguas anunciou tamén que o ente público tamén ten previsto investir o vindeiro ano 237.826 euros en obras de mellora, remodelación e acondicionamento da nave de redes.

Neste senso, a titular de Portos salientou que ambas actuacións son “obras necesarias que viñan sendo solicitadas polos profesionais do mar deste peirao”, ao tempo que amosou a súa vontade de “estudar a viabilidade doutras propostas do sector de cara a mellorar as condicións destas instalacións”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...