IniciosociedadeTemporal costeiro con ondas de ata sete metros na Mariña desde esta...

Temporal costeiro con ondas de ata sete metros na Mariña desde esta madrugada

Activarase a alerta laranxa na bisbarra por ondada, con ventos de forza 8

Publicada o

- Advertisement -

A Dirección Xeral de Emerxencias e Interior da Vicepresidencia da Xunta de Galicia vén de activar para este xoves a alerta laranxa por chuvias no interior de Pontevedra e por temporal costeiro en todo o litoral galego.

Segundo informa a Axencia Estatal de Meteoroloxía (AEMET), a alerta por chuvias afectará á zona interior de Pontevedra a partir do mediodía onde se agardan precipitacións acumuladas de 80 milímetros en doce horas.

Ademais, desde esta madrugada activarase a alerta laranxa na costa galega, comezando pola Coruña e Lugo, para logo estenderse a Pontevedra. Agárdase mar combinada do noroeste con ondas de cinco a seis metros, que poderán acadar temporalmente os sete metros a partir do mediodía nas zonas oeste e noroeste da Coruña e Lugo. Na Mariña lucense irá acompañada de vento do oeste, de forza 8.

RECOMENDACIÓNS

Debido ao temporal costeiro, recoméndase permanecer lonxe da liña de costa e das praias e paseos marítimos co fin de previr un eventual golpe de mar que poida arrastrar persoas ou obxectos. É preciso evitar aproximarse a diques, rompentes, espigóns, peiraos e todas aquelas zonas que poidan ser varridas polo mar e vixiar posibles caídas de obxectos de balcóns e fiestras.

Tamén se aconsella a suspensión das actividades pesqueiras e marisqueiras como medida preventiva naquelas zonas máis perigosas, así como extremar as medidas de seguridade á hora de realizar calquera actividade no mar e revisar os cabos e amarres das embarcacións.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...