IniciosociedadeO vento supera os 155 km/h en Viveiro e os 115 en...

O vento supera os 155 km/h en Viveiro e os 115 en Burela

Ao longo dunha madrugada con alerta laranxa por temporal costeiro e aire, na Pontenova os refachos rozaron os cen quilómetros por hora

Publicada o

O vento alcanzou nas primeiras horas deste martes os 155,3 quilómetros por hora (km/h) na localidade costeira de Viveiro nunha xornada con aviso laranxa por refachos superiores ao 100 km/h e con alerta na costa por ondas superiores aos seis metros de altura.
Segundo os rexistros de Meteogalicia até as 9.50 horas deste martes, o vento deixou, ademais, refachos fortes de 115,9 quilómetros por hora en Vimianzo (A Coruña) ás 7.10 horas e de 115,7 km/h en Burela (Lugo) ás 8.40 horas.
Ademais, alcanzáronse os 113,4 quilómetros por hora en Cedeira (A Coruña) ás 7,40 horas deste martes e o 99,1 km/h na Pontenova (Lugo) ás 9.10 horas. O refacho de vento máxima o luns en localidades con altitude menor de 900 metros correspondeu a Cedeira, con 132,4 quilómetros por hora, seguida do 128,8 km/h en Viveiro.
Na montaña, o vento alcanzou na mañá deste martes os 87,2 quilómetros por hora en Cervantes (Lugo) ás 8.40 horas, os 73,5 na Veiga (Ourense) e o 73,3 km/h en Rodeiro (Pontevedra).
Na madrugada do mércores mantívose a intensidade do vento. O refacho máximo correspondeu de novo a Viveiro, con 135,5 quilómetros por hora ás 3,30 horas. Fontes de confrarías e depósitos apuntaron que este mércores saíron faenar en zonas como Burela, Celeiro e Ribadeo, aínda que “hai un pouco de mar”. O aviso laranxa mantívose ata as 6,00 horas e o resto do día estará en nivel amarelo por ondas superiores aos catro metros.

VIVEIRO SUSPENDE AS ACTIVIDADES AO AIRE LIBRE

O Concello de Viveiro emitiu un comunicado no que anunciou a suspensión de todas as actividades ao aire libre e o peche do parque Pernas Peón. Ademais, a Xunta de Galicia prohibiu a actividade no exterior dos centros educativos.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...