IniciosociedadeRotugraf de Ribadeo, entre o 6% das empresas que máis medra en...

Rotugraf de Ribadeo, entre o 6% das empresas que máis medra en Galicia: “é moi grande estar aí con Inditex”

O Consorcio da Zona Franca de Vigo distinguiu a firma ribadense polo seu crecemento ao longo do ano 2019

Publicada o

- Advertisement -

A firma Rotugraf Ribadeo S. L. recibiu o distintivo Indicador ARDÁN de empresa Gacela no ano 2019, que concede a institución pública Consorcio da Zona Franca de Vigo, por ser unha das firmas que máis crece en Galicia.

O delegado do Estado no Consorcio da Zona Franca de Vigo, David Regades Fernández, comunicou aos responsables da empresa Rotugraf Ribadeo S. L. que esa institución, a través do servizo de información ARDÁN, “selecciona anualmente as empresas galegas que destacaron en distintos factores relacionados coa competitividade empresarial. A medición para obter os indicadores ARDÁN baséase en metodoloxías deseñadas e actualizadas en colaboración con grupos de investigación da Universidade de Vigo”, indicou.

Así, Rotugraf atópase “entre o selecto 6% de empresas galegas que alcanza os criterios para obter algún destes distintivos”.

QUINCE ANOS DE ANDAINA

A xerente de Rotugraf, Raquel López González, explicou que “recibir un recoñecemento coma este, no que a nosa empresa familiar forma parte do 6% das que máis medran en Galicia, é algo moi importante para nós. É moi grande estar nesa lista con Inditex”, remarca.

“Rotugraf naceu fai máis de 15 anos sendo un proxecto familiar moi pequeniño, con moi pouca infraestrutura e que rotulaba valados nos campos de fútbol. Hoxe podemos dicir que temos todas as máquinas que existen no sector e que traballamos para varias multinacionais, exportando aos cinco continentes. Creo que este é o recoñecemento a reinvestir os beneficios en maquinaria, en materiais e en I D do noso sector e supón un orgullo moi grande saber que obxectivamente con estas decisións estámolo facendo ben”, argumenta López.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...