A Mariña estará este domingo en alerta laranxa desde as primeiras horas da mañá por ventos que poden alcanzar os 100 quilómetros por hora (km/h).
Segundo expuxo a Xunta de Galicia nun comunicado, a Axencia Estatal de Meteoroloxía (Aemet) prevé que o fenómeno meteorolóxico adverso se note na bisbarra desde as 9.00 horas. Agárdanse ventos do suroeste que poden alcanzar os cen km/h.
En zonas como A Montaña e o interior de Lugo, ou o Noroeste da Coruña, o aviso por ventos será amarelo.
O Concello de Viveiro dictou un bando para anunciar que dende o domingo
ás 06.00 horas da mañá queda prohibida a realización de
calquera tipo de actividade ou evento ao aire libre en todo o termo municipal,
procedéndose, así mesmo, ao peche do parque Pernas Peón.