Portos prevé derrubar nun máximo de seis meses os galpóns do peirao vello de Viveiro

O ente autonómico dirimirá nos vindeiros días se licitar ou encomendar as obras, que teñen un prazo de execución de 60 días

Galpóns do peirao vello de Viveiro. AXM

A Consellería do Mar, a través de Portos de Galicia, anunciou que iniciou os trámites administrativos para contratar as obras de derrube dos catro galpóns do peirao vello de Viveiro.

En concreto, o ente autonómico dirimirá nos vindeiros días se quita as actuacións a concurso público ou se realiza unha encomenda de xestión para a execución das mesmas. Segundo fontes de Portos de Galicia, o proceso de contratación podería dilatarse entre dous e catro meses, cun prazo máis longo no caso da licitación.

o orzamento é de 120.000 euros e inclúe o derrubo das naves e o acondicionamento da zona “para uso común”

As obras contan cun orzamento de 120.000 euros, incluído nos presupostos para este ano de Portos de Galicia, e terán un prazo de execución de dous meses. O proxecto requeriu da reversión da titularidade das naves e inclúe o acondicionamento da zona, para darlle “un uso común”.

DEMANDA DO CONCELLO

A obra é unha demanda do Concello de Viveiro desde hai anos. Portos derrubou seis naves no 2005 e catro no 2014, pero fican outras catro que polo de agora frustran a intención de abrir a localidade ao mar.

o goberno local reclamou con insistencia a obra, que cre “necesaria por seguridade, estética e funcionalidade”

O goberno local insistiu en que, dado o seu mal estado, os galpóns representan un perigo, e resaltou que a súa demolición podería aliviar a necesidade de aumentar prazas de aparcamento nunha cidade que multiplica a súa poboación en verán.

RESPOSTAR

Please enter your comment!
Please enter your name here