Unha xogadora do Pescados Rubén Burela FSF, Cristina Pérez, coñecida deportivamente como Cris, ofreceuse como enfermeira no País Vasco para prestar servizo nestes momentos complicados pola propagación do coronavirus.
A futbolista explicou no seu perfil nas redes sociais que se puxo en contacto co Servizo Vasco de Saúde” para que conten con ela “en caso necesario”. A xogadora, coñecida pola súa tenacidade e que vén de superar unha longa lesión de xeonllo, tamén pediu axuda para atopar vivenda na zona.
Como enfermera me he puesto en contacto con el Servicio Vasco de Salud (Osakidetza) para que me llamen en caso necesario. Si alguien dispone de vivienda en la zona que me avise por DM 🙏 @burelafs @bilbofutsalfem @AJFSFemenino
— Cristina Pérez (@CristinaPere10) March 18, 2020
Cristina Pérez ten contrato profesional no equipo que milita na máxima categoría do fútbol español e ademais é enfermeira. O País Vasco é un dos principais focos da doenza en España, con 965 casos diagnosticados e 40 mortos.
