Á outra beira do Miño, nun deses concellos de menos de 5.000 habitantes —coma case todos os que non están atravesados pola AP-9— naceu esta pasada madrugada unha xata. Esperábana antes, por aquilo da lúa chea, pero a becerra enredou no ventre da nai. Parece ser que á Rubia non lle caía ben parir xusto no cambio de fase lunar. E como tamén está libre de franxas horarias, que para iso vive en Friol e non en Madrid, a vaca deu a luz de noite.
A Rubia e a xata son de pouco apuro. Sábeo ben un paxariño que me veu a min co conto da vaca preñada e os cambios de crecente a minguante. Ao paxariño (que non é paxariño, senón un humano confinado) córrelle algo máis de présa iso de mudar de fase. No seu calendario mental, igual ca no de todas, está marcada en vermello a data deste luns 11 de maio, nova etapa desta desescalada por chanzos.
Preme abaixo para ler completa a nova entrega do Diario da Desescalada, de Lugo Xornal, Xornal de Lemos e Xornal da Mariña.