IniciosociedadeO BNG de Riotorto pide ao Concello que aclare en que consistirán...

O BNG de Riotorto pide ao Concello que aclare en que consistirán as axudas a autónomos anunciadas

Os nacionalistas urxen ao executivo popular a aprobar e publicar as bases e a convocatoria das achegas e non "seguir vendendo fume"

Publicada o

- Advertisement -

O BNG pide ao goberno local de Riotorto que aclare en que consistirán as axudas a autónomos anunciadas.

O pasado 4 de abril o executivo municipal anunciou, a través dos perfís oficiais na redes sociais e da aplicación Riotorto Informa, que o Concello pagaría o importe dos recibos das persoas autónomas empadroadas no término municipal. O anuncio especificaba que se pagaría “a metade da cota do mes de marzo e o recibo íntegro do mes de abril” aos autónomos que tiveran que pechar os seus negocios polo estado de alarma sanitaria.

A formación nacionalista argumenta que, “acreditado que o Estado exonerou aos autónomos de pagaren o recibo do mes de abril e comezou a devolver a metade dos recibos de marzo”, o Concello debe aclarar “en que se concretarán as axudas anunciadas, que se presentaron coma a medida estrela do Concello ante a crise provocada pola Covid 19“. O concelleiro nacionalista Luis Fernández urxe ao executivo do Partido Popular “a aprobar as bases e a convocatoria das axudas, para que as persoas interesadas teñan información sobra as contías e os prazos de solicitude”.

RECLAMA MEDIDAS CONCRETAS DE PROTECCIÓN SOCIAL

O voceiro nacionalista critica que “o alcalde fixera anuncios sen concreción ningunha xerando confusión entre a veciñanza” e cuestiona a motivación do goberno local á hora de facer a proposta xa que, explica, “o Goberno do Estado xa tiña anunciado daquela que exoneraría do pago das cotizacións sociais aos autónomos que solicitaran o cese de actividade pola alarma sanitaria“.

Así, a formación frontista demándalle ao goberno local que “faga propostas realistas, compatibles coas competencias que teñen os Concellos en materia de axudas directas” e “non siga vendendo fume á veciñanza”. Ademais, solicita “que convoque aos sectores produtivos e aos grupos municipais para propoñer e consensuar medidas de protección social e reactivación económica”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...