IniciosociedadeOs cociñeiros da Mariña prepararán receitas con produtos da bisbarra en tres...

Os cociñeiros da Mariña prepararán receitas con produtos da bisbarra en tres etapas da Vuelta

A agrupación de chefs mariñá promocionará a gastronomía da comarca na zona VIP da proba

Publicada o

- Advertisement -

Unha representación da Asociación de Cociñeiros da Mariña, en colaboración coa Asociación Provincial de Empresarios de Hostalería de Turismo de Lugo (APEHL), elaborará pratos con produtos típicos da bisbarra na zona VIP de tres etapas de La Vuelta Ciclista a España.

Dentro da campaña de promoción dos produtos da provinciaE para comer, Lugo, os chefs mariñaos estarán este martes en Salamanca, punto de saída da décima etapa da proba. O mércores cociñarán en Mombuey e o xoves en Mondoñedo, no inicio da etapa “mariñá” de La Vuelta, que percorrerá varios municipios da bisbarra e rematará na Estaca de Bares.

Acudirán a Salamanca Waldo González-Redondo, da panadería mindoniense Rubal; David Rodríguez Moledo, de A Mirandilla de Rinlo, e Bruno Pena, de A Horta da Paula, negocio tamén ubicado na cidade episcopal.

PRATOS

Así, Pena preparará pescada de Burela con mousse de Faba de Lourenzá e xelea de pementos de Mougán; Moledo, cordeiro con Fabas de Lourenzá e steak tartare de rubia galega, mentres que González-Redondo cociñará unha empanada de galo de Mos con berza da Horta de Mondoñedo.

Malia o esforzo que supón ausentarse ata tres días dos seus respectivos negocios, o colectivo de cociñeiros da bisbarra apostará pola promoción da gastronomía mariñá nunha das competicións deportivas máis prestixiosas do mundo.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...