A admiración do célebre pianista británico James Rhodes por Galicia é ben coñecida. O pasado xoves, o músico, afincado desde hai anos en España, quixo introducirse na cociña galega facendo a súa primeira empanada. Unha receita que non se resistiu a compartir en Twitter.
O artista, autor ademais da recoñecida autobiografía Instrumental, na que explica o poder terapéutico da música para superar os abusos que sufriu na infancia, amosou con fotografías o resultado do seu primeiro esforzo culinario coa empanada. E fixo -seguramente sen intención- todo un guiño á Mariña Lucense, xa que apostou por realizar unha masa follada, como o pastelón tan propio da comarca.
Toma YA motherfuckers
Que riquísima todo 🥰Flipo tulipo. pic.twitter.com/Kf6gWT5O4G
— James Rhodes (@JRhodesPianist) May 21, 2020
Non faltaron os internautas que lle afearon que non usase unha masa de pan, pero unha autoridade na materia deulle o aprobado. O xornalista gastronómico valadourense Miguel Vila Pernas, da revista Ben Bo, lembrou aos internautas que o pastelón “é tan galego como calquera empanada”, e na Mariña “gloria pura”.
@JRhodesPianist moi ben esa masa gramada, que non so de masa de pan vive a empanada. Es os pastelóns de masa follada da Mariña son gloria pura. E tan galegos como cualquiera empanada.
— Miguel Vila (@Colineta) May 21, 2020
O AMOADO, ATA DE PICHÓN
Así o atestiguaba Así Falamos na Mariña, a conta dedicada a recoller a fraseoloxía e termos do galego da bisbarra, que concretaba que o pastelón con amoado ou recheo de pichón era o favorito dun mariñao ilustre como o escritor mindoniense Álvaro Cunqueiro.
A amiga @FatimaRM81 lembrounos que na Mariña, ademais da empanada (feita con masa de pan), tamén temos o pastelón (de masa follada), que é como mais premium e de festa. Pastelón haino de bonito, de pito, de congro, de lebre e de pichón (o favorito de Cunqueiro, segundo @colineta. pic.twitter.com/LNbthPzpdM
— Así falamos na Mariña (@FalaMarinha) November 15, 2019
