O número de casos activos de coronavirus na provincia mantense estable, con 39 infectados, segundo o reconto ofrecido este mércores polo Sergas. O pasado martes faleceu a vixésimo oitava vítima da pandemia na área lucense, unha muller de 76 anos ingresada no HULA.

O Hospital Público da Mariña segue sen ingresados con Covid-19. A única persoa hospitalizada na provincia permanece nunha planta do HULA. En domicilio documéntanse 38 casos, un máis ca onte.

Dos 28 falecidos na provincia por mor do coronavirus, cinco eran da provincia de Lugo, ademais dunha sexta vítima mortal que pereceu na Uci de Burela malia superar a doenza durante o seu período na unidade de críticos. Déronse 883 altas.

617 FALECEMENTOS E 10.033 ALTAS EN GALICIA

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 678, deles 147 son da área da Coruña, 39 da de Lugo, 60 da de Ourense, 25 da de Pontevedra, 257 da área de Vigo, 130 da de Santiago, e 20 da de Ferrol.

Do total de pacientes positivos, 1 permanecen en Uci, 28 están en unidades de hospitalización e 649 no domicilio. Polo de agora, en Galicia hai un total de 10.033 persoas curadas, rexistrándose 617 falecementos. O número de PCR realizadas é de 145.644.