O número de casos activos de coronavirus na provincia de Lugo mantense estable por terceiro día consecutivo, segundo o reconto oficial ofrecido este luns polo Servizo Galego de Saúde (Sergas). Son 17 os positivos documentados na área lucense pola Consellería de Sanidade.
O Hospital Público da Mariña continúa sen ingresados por Covid-19, segundo a mesma fonte. O único hospitalizado por mor do virus na área lucense permanece nunha planta do Hospital Universitario Lucus Augusti (HULA). Un total de 16 pacientes son atendidos en domicilio.
Tampouco se documentan casos de coronavirus nas residencias da bisbarra.
No tocante á pandemia, o Sergas contabiliza 28 falecementos na área lucense, cinco deles na Mariña, ademais dunha sexta vítima mortal que faleceu na Uci de Burela tras ingresar polo virus e superar a doenza durante o seu período na unidade de críticos. Déronse 921 altas.
A nivel galego, o número de casos activos sitúase en 343 tralo rebrote no Barbanza.