Reconto do martes: estabilidade na provincia, con 17 casos, e 335 positivos en Galicia

É o cuarto día consecutivo sen variacións do número de infectados na área lucense

Hospital da Mariña. AXM

O número de casos activos de coronavirus na provincia de Lugo mantense estable por cuarto día seguido. O Servizo Galego de Saúde (Sergas) documenta 17 positivos na área lucense no reconto oficial ofrecido este martes.

Non hai ingresados por Covid-19 no Hospìtal Público da Mariña. O único hospitalizado por mor da pandemia na área lucense permanece nunha planta do Hospital Universitario Lucus Augusti (HULA). Dezaseis pacientes son atendidos en domicilio, igual ca onte.

Tampouco se detectan positivos nas residencias da bisbarra.

No histórico da provincia a Consellería de Sanidade contabiliza 28 falecementos, cinco deles na Mariña, ademais dunha sexta vítima mortal que faleceu na Uci de Burela despois de ingresar polo virus e superar a doenza no seu período na unidade de críticos. Déronse 921 altas.

En Galicia, o número de casos descendeu despois do rebrote no Barbanza. O Sergas documenta 335 persoas infectadas.

RESPOSTAR

Please enter your comment!
Please enter your name here