IniciosociedadeOutros dous barcos de Burela, en seguimento en Cantabria tralo positivo dun...

Outros dous barcos de Burela, en seguimento en Cantabria tralo positivo dun mariñeiro

Os sete tripulantes permanecen confinados nos buques e á espera de realizaren as probas PCR

Publicada o

- Advertisement -

EFE. Outras dúas embarcacións galegas con sete tripulantes que desembarcaron no porto de Santoña están en seguimento por parte das autoridades sanitarias de Cantabria despois de que un mariñeiro dun boniteiro de Burela dera positivo por coronavirus.

Tripulantes explicaron a Efe que as autoridades sanitarias trasladáronlles que non poden abandonar eses barcos, aínda que si obtiveron permiso para desembarcar bonito. Tamén lles dixeron que cara ás 13.00 horas faranlles as probas PCR para detectar se están infectados.

Esta situación prodúcese despois de que onte á noite a Dirección Xeral de Saúde Pública do Goberno cántabro informase de que un mariñeiro dun boniteiro con base en Burela dera positivo en coronavirus. Trátase “dun caso importado“, dun buque que chegou a Cantabria para a campaña do bonito o pasado luns.

Tanto este traballador con positivo en Covid-19 como os outros dous tripulantes da súa embarcación, chamada “Mar de Annea” e con base en Burela, están illados no albergue de Solórzano.

Fontes da contorna desa embarcación dixeron a Efe que o seu patrón deu negativo en PCR esta mañá, aínda que deben repetirse as probas. Tras este caso positivo detectado, a Dirección Xeral de Saúde Pública destacou que activou todos os protocolos de control e seguimento.

CONTACTOS EN SETE BARCOS

O equipo de rastreadores deste departamento localizou contactos nas tripulacións de sete embarcacións máis con base en Galicia, Asturias e País Vasco.

No porto de Santoña xa están dous barcos galegos máis cuxos tripulantes estarían entre eses contactos: o “Ledicia” e o “Sapilo“, os dous de Burela.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...