IniciosociedadeRibadeo inicia obras para gañar 365 prazas de estacionamento tras ubicar o...

Ribadeo inicia obras para gañar 365 prazas de estacionamento tras ubicar o mercado no aparcadoiro municipal

Habilitaranse espazos na contorna da estación de autobuses e na rúa Ramón González, e ampliaranse os xa dispoñibles en Julio Lazurtegui e entre Daniel Cortezón e Pintor Fierros

Publicada o

- Advertisement -

JUAN MAYA. A concelleira de Obras de Ribadeo, Mónica Freire, declarou este martes que se iniciaron as obras na localidade para acondicionar catro puntos que serán habilitados como aparcadoiros de balde. Os estacionamentos estarán situados nas inmediacións da estación de autobuses e na rúa Ramón González, e tamén se ampliarán as prazas xa dispoñibles no aparcadoiro situado na rúa Julio Lazurtegui e no espazo que hai entre Daniel Cortezón e Pintor Fierros. Estas melloras permitirán ao Concello incrementar o número de prazas dispoñibles en 365.

Para acadar esta cantidade de prazas, acometeranse traballos de “ampliación cun recheo de materiais e mellora de firme, así como sinalización e delimitación de perímetros”.

“Por un lado trátase de mellorar e ampliar en aproximadamente 1.000 metros cadrados o aparcadoiro da rúa Julio Lazurtegui, que contará agora cunha superficie total de 2.500 metros cadrados; tamén estamos a traballar en catro parcelas de máis ou menos a mesma superficie que están situadas detrás da estación de autobuses e que están a desbrozar estos días”, explicou a edil.

“PACIENCIA” PARA AFRONTAR OS INCONVENIENTES

Tamén se creará un novo aparcadoiro na rúa Ramón González e outro co espazo que hai entre as rúas Daniel Cortezón e Pintor Fierros. Estos dous novos suman unha superficie duns 6.000 metros cadrados. A edil lembrou que tamén están “realizando traballos de estacas perimetrais”, polo que pode haber maiores dificultades ao aparcar.

A concelleira solicita paciencia ás veciñas e veciños polos posibles inconvenientes que puideran ter lugar durante as obras. As 365 novas prazas teñen a intención de amortiguar as que se perden os mércores pola “nova ubicación do mercado“ e tamén pola “ampliación das terrazas”. O aparcadoiro municipal conta con 170 prazas.

“A nosa intención é facilitar todo o que poidamos ás persoas que veñan a Ribadeo o aparcar comodamente e facer a nosa vida o máis accesible posible”, concluíu Freire.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...