IniciosociedadeDá positivo unha traballadora da residencia de Xove por un caso importado...

Dá positivo unha traballadora da residencia de Xove por un caso importado de Cataluña

A obreira reside en Viveiro, onde recibiu a visita duns parentes procedentes de Barcelona, que resultaron infectados; este venres someteranse a PCR usuarios e obreiros do xeriátrico

Publicada o

- Advertisement -

Unha traballadora da residencia de Xove, veciña de Viveiro, resultou positiva na proba de coronavirus, segundo confirmou o goberno local viveirense.

O contaxio, que trascendeu na tarde deste xoves, trátase dun caso importado, segundo advertiron as mesmas fontes, dado que o núcleo familiar desta persoa recibiu a visita de parentes procedentes de Cataluña, en concreto de Hospitalet de Llobregat (Barcelona) a mediados deste mes de xullo.

Tras notar síntomas compatibles co virus, os visitantes foron obxecto de proba PCR e finalmente resultaron positivos, levando a analizar os tres integrantes da familia viveirense, dos que por agora resultou un caso activo, o da traballadora do xeriátrico.

CATRO OBREIRAS EN CORENTENA

A familia viveirense cumpre corentena e tamén están illadas catro traballadoras do xeriátrico xovense que comparten quenda coa persoa afectada. Na residencia de Xove, onde durante do estado de alarma non se localizou ningún positivo, residen 126 usuarios e traballan 61 empregadas. Os maiores e as obreiras serán sometidos ás PCR este venres.

Despois de que recibise a alta unha traballadora substituta que resultara infectada no centro de maiores de Burela, non se documentaban casos activos de coronavirus nas residencias galegas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...