Os hostaleiros critican o “aspecto de desleixo” de Barreiros no verán

A asociación de empresarios de hostalería afirma que o goberno local non atende as súas peticións

Praia de Altar. AXM

A Asociación de Hostelería de Barreiros critica “o aspecto de desleixo” que presentou o municipio durante a época estival. O colectivo denuncia ademais que o Concello non atende as súas peticións

A agrupación de hostaleiros barreirense expón que realizou varias solicitudes ao goberno local. Entre elas, a mellora da promoción turística por medio dun mellor posicionamento web municipal, a colocación de carteis de información turística nas praias ou a ampliación do horario de apertura da oficina de turismo municipal.

A asociación lamenta que o goberno de Barreiros, que encabeza o popular Alfonso Fuente Parga, non satisfixese ningunha destas peticións, realizadas en reunións co rexedor antes de comezar o verán. O colectivo asegura que “o aspecto de desleixo da contorna e dalgunhas instalacións, principalmente de uso turístico, enténdese como moi negativa para a promoción do concello”.

BALANCE DA ÉPOCA ESTIVAL

No tocante ao balance económico do verán, os hostaleiros barreirenses sinalan que o mes de xullo foi “peor que o ano pasado, dándose varias cancelacións de reservas de aloxamento”, o que achacan ás condicións metereolóxicas. Agosto, en cambio, deixou “boas cifras, similares ás de anos anteriores”.

RESPOSTAR

Please enter your comment!
Please enter your name here