IniciosociedadeComezan as obras para crear un campo de fútbol de herba artificial...

Comezan as obras para crear un campo de fútbol de herba artificial en Lourenzá

As actuacións, cun investimento de 254.000 euros, están financiadas grazas a un convenio entre o goberno local laurentino e a Deputación de Lugo

Publicada o

- Advertisement -

O Concello de Lourenzá anunciou a través dun comunicado de prensa que comezaron as obras para a creación dun campo de fútbol de herba artificial para adestramento na zona deportiva de Santa Cruz.

Así o expuxo a alcaldesa laurentina, a socialista Rocío López, quen explicou que as obras “consisten na escavación e no desmonte dos accesos e da pavimentación de céspede natural existente para posteriormente proceder á instalación de herba artificial. A obra está financiada grazas a un convenio de cooperación firmado coa Deputación Provincial de Lugo de 254.000 euros. Con isto culmínase unha demanda que nos veñen facendo os nosos deportistas desde que empezamos a gobernar”, expón a rexedora.

López destaca que “en Lourenzá somos un referente no deporte tanto a nivel provincial como nacional e é de vital importancia ter unhas instalacións deportivas en perfecto estado se queremos seguir cunha boa práctica deportiva e continuar nesta mesma liña”.

A rexedora anuncia que “nos vindeiros meses seguirán estes traballos e esperamos que esta obra quede culminada canto antes, tanto a instalación do céspede artificial como a colocación dun sistema de rego, que tamén se vai mellorar no campo de herba natural existente actualmente nese lugar”. As obras foron visitadas pola alcaldesa e o primeiro tenente de alcalde, Javier Huertas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...