O número de casos activos de coronavirus na provincia de Lugo baixa a 687, dous menos ca onte, segundo o reconto ofrecido este martes polo Sergas. Nas últimas 24 horas déronse un total de 27 altas, mentres que os positivos novos documentados neste mesmo período ascenden a 25.
Dos 687 contaxiados, 59 deles permanecen ingresados, dous máis ca onte. Hai un paciente con Covid-19 no Hospital Público da Mariña (un menos ca onte), dous en Monforte, doce no Polusa -todos en planta- e 44 no HULA, entre eles os catro doentes da área lucense que precisan coidados intensivos. Un total de 628 infectados permanecen nos seus domicilios.
No histórico da pandemia houbo 82 falecementos na provincia. Seis das vítimas mortais do virus na área lucense desde o inicio da pandemia eran da Mariña, sete se se ten en conta que un varón faleceu na Uci de Burela tras ingresar polo virus e superar a doenza no seu período na unidade de críticos. Déronse 2.205 altas e o número de positivos acumulados ascende a 2.974.
RESIDENCIAS
No relativo ás residencias, na Mariña hai un único caso, o dunha traballadora do xeriátrico San Bartolomeu de Xove. Non houbo máis positivos nin entre o persoal nin entre os usuarios. Os contaxios localizados na provincia son os seguintes:
MAIORES
1 Residencia Castro Ribeiras do Lea
58 Residencia O Incio (O Incio)
133 Residencia DomusVi Lugo
TRABALLADORES
1 Residencia A Milagrosa (Lugo)
35 Residencia O Incio (O Incio)
24 Residencia DomusVi Lugo (Outeiro de Rei)
1 Residencia de Maiores San Bartolomeu (Xove)
1 Residencia de atención a persoas con dano cerebral (Castro de Rei)
COLEXIOS
No tocante aos centros educativos da provincia, localizáronse 17 positivos, un na Mariña, o dun alumno do Colexio Sagrado Corazón de Ribadeo.
ÁREA DE LUGO | POSITIVOS (17) | AULAS PECHADAS (1) | CENTROS PECHADOS (0) | |
CENTROS DE ENSINO NON UNIVERSITARIO | ||||
CHANTADA | CEIP Xoán de Requeixo | 1 | 0 | 0 |
FRIOL | CPI DR. López Suárez | 1 | 0 | 0 |
GUITIRIZ | IES Poeta Díaz Castro | 1 | 0 | 0 |
O INCIO | CEIP Ricardo Gasset | 1 | 0 | 0 |
RIBADEO | CPR Sagrado Corazón | 1 | 0 | 0 |
LUGO | EASD Ramon Falcón | 1 | 0 | 0 |
LUGO | CPR Plurilingüe Padres Franciscanos | 3 | 0 | 0 |
LUGO | CPR Plurilingüe La Inmaculada | 2 | 0 | 0 |
BALEIRA | CEIP Plurilingüe Concepción López Rey | 1 | 0 | 0 |
LUGO | CEIP As Gándaras | 3 | 0 | 0 |
SARRIA | IES Xograr Afonso Gómez de Sarria | 1 | 0 | 0 |
LUGO | CEE Santa María | 1 | 1 | 0 |
721 FALECEMENTOS EN GALICIA
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.350 (46 máis ca onte); deles 1.114 son da área da Coruña, 687 da de Lugo, 551 da de Ourense, 702 da de Pontevedra, 489 da área de Vigo, 627 da de Santiago, e 180 da de Ferrol.
Do total de pacientes positivos, 32 están en Uci, 214 en unidades de hospitalización e 4.104 no domicilio. Polo de agora, en Galicia hai un total de 17.167 persoas coa alta, rexistrándose 721 falecementos. A última persoa falecida en centros hospitalarios foi un home de 82 anos que faleceu no Complexo Hospitalario de Ourense e presentaba patoloxías previas. O número de PCR realizadas é de 434.864.