IniciosociedadeA Xunta permitirá a 465 parados da Mariña escoller entre 31 cursos...

A Xunta permitirá a 465 parados da Mariña escoller entre 31 cursos de formación

Os concellos de Xove, O Vicedo e Ribadeo, ademais de negocios e empresas da bisbarra, participarán no plan formativo 2018-2019 do Goberno galego

Publicada o

- Advertisement -

A Xunta de Galicia ofrecerá a posibilidade de mellorar as súas aptitudes profesionais a 465 desempregados da Mariña Lucense a través do plan galego de formación 2018-2019, que permitirá a estas persoas elixir a súa cualificación entre unha oferta de 31 cursos.

Por primeira vez, pois a elección dependía do Servizo Público de Emprego de Galicia, o alumnado poderá escoller o centro e a acción formativa, que se impartirá en empresas, entidades sen ánimo de lucro e concellos adxudicatarios das axudas do Goberno galego.

Este ano participarán na iniciativa os municipios de Xove, O Vicedo e Ribadeo, ademais de negocios e academias da bisbarra.

OFERTA FORMATIVA

A oferta formativa inclúe cursos sobre TIC, comercio e márketing, construción, transporte, sanidade, servizos sociais, automoción ou enerxías renovables.

Os custos destes cursos oscilan entre os 266 e os 6.491 euros, cunha duración media de seis meses. O Goberno galego asumirá o importe total da matrículaSegundo asegura a Xunta, o porcentaxe de inserción laboral en edicións anteriores achegouse ao 60%.

PREFERENCIA NA INSCRICIÓN

Na selección do alumnado terán preferencia as mulleres, parados de longa duración, menores de 30 anos, emigrantes retornados, persoas con discapacidade ou en risco de exclusión social, alumnos con baixa cualificación ou persoas que teñan superados un ou varios módulos dun certificado de profesionalidade ou que obtivesen certificados parciais.

SOLICITUDES

O alumnado poderá solicitar o centro e a materia na que se desexa formar a través deste enlace.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...